دليلك الشامل للمضاربة في الذهب (محلياً وعالمياً)
الأول لازم تبقي عارف ان علي الرغم ان سعر الذهب العالمي له تأثير علي سعر الذهب محلياً ولكن يظل ده سوق ليه فرص مختلفة عن السوق عندنا
يعني كل سوق ليه فرص لوحده معظم الوقت ولكن احياناً بتكون الفرص متقاربة او متشابهَ في الاتجاه زي دلوقتي بسبب ان المؤثر الأكبر هو سعر الذهب العالمي ولكن في حالات تانية كتير جدا هتلاقي مثلا الذهب عالمياً بينزل وفي مصر بيطلع او العكس او عالمياً بيتحرك وفي مصر مستقر ومذبذب .
**
****المضاربة في الذهب العالمي : **
_ بتكون عن طريق شركة بورصة (بروكر) او وسيط وبتعمل ايداع بالجنيه وبتسحب بالجنيه وهي أكثر ربحية وعائد أعلى من المضاربة في الذهب محلي
لان أي حركه لو صغيره جدا بتفرق معاك علي عكس الذهب محلي بتحتاج يتحرك عدد جنيهات كتير علشان يكون في عائد
_ سوق شغال 23 ساعه يومياً لذلك عدد الفرص اللي ممكن تستغلها اكثر مقارنه بالسوق المحلي.
كمان تقدر الأول تفتح حساب ديمو ( فلوس وهمية) تجرب هل طريقه المضاربة الخاصه بك واتخاذ القرار سليمة وهتحقق منها فعلا عائد ولا لا
**”خُد بالك** ”
زي ما وضحنا ان العائد او فرصه تحقيق مكسب وربح اكبر مقارنةً بالسوق المحلي الا انه ده سلاح ذو حدين
يعني لو حضرتك مش متعلم اساسيات المضاربة كويس او بتابع مع حد شاطر فخد بالك
**ثانيا** : مهم جدا جدا شركة الوساطة أو البروكر يكون كويس وسمعته كويسة ومعروف بلاش تجرب مع إعلانات البونص او الدعاية من قنوات معندهاش مصداقية مع متابعينها.
المضاربة في الذهب المحلي :
سبائك بلدي وشرائح بندقي
لو حضرتك قررت تضارب في الذهب المحلي مينفعش تجيب سبائك مغلفه ايً كان الشركه ولا جنيهات يعني اسوء الظروف خالص ذهب مستعمل او كسر غير كده فأفضل خيارات موجوده ومتاحه وبيتعامل بيها شريحه كبيرة ( رغم في تصريحات عن عدم قانونيتها للتداول بين العامة مش التجار)
هي السبائك البلدي والبندقي لانها تعتبر زيرو مصنعية فساعتها هتكون فقط محتاج السوق يعدي فرق السعر علشان تبدا تعمل عائد علي عكس باقي الخيارات هتستني السوق يعدي فرق السعر وكمان المصنعية اللي هتخسرها وبعدين تبدا تعمل عائد .
” **خُد بالك** ” مهم جدا تتعامل مع تاجر ثقه علشان لما تيجي تبيع هترجع تبيع لنفس التاجر يكون موضوع بسيط وسهل
أبكليشن المضاربة في الذهب المحلي :
مؤخرا أكثر من شركه في السوق وفرت ابلكيشن بتقدر من خلاله تشتري وتبيع الذهب وتقدر تستلم الذهب بتاعك وهكذا وكل شركه ليها السيستم الخاص بيها وكل شركه ليها مميزات وعيوب
” **خُد بالك** ”
وانت بتعمل حساب مع اي شركه اقرا العقد كويس ومفيش مشكله لو تراجع مع محامي لانك بتحط فلوس في الأخر فتبقي عارف حقك وحق الشركة أي وهل العقد منصف ولا بيخلي مسؤولية الشركة في اي موقف او ظرف.
في الاخر احب اقولك مفيش طريقة واحدة تناسب كل الناس، لكن فهمك للفرق بين الذهب عالميًا ومحليًا هيساعدك تاخد قرار واعي 👌🏻